遊日本雜記

遊日本雜記

到日本多次後，總結了一些經驗和資料，供以後參考：

1. 日本交通發達，自由行非常方便，而且可利用JR Rail Pass，有多種選擇，一咭傍身，便可以到達整個日本，並可遊遍東京。
2. 日本長程火車多有分指定席及自由席。自由席可以說是經濟客位，車站有指示第幾卡係自由席，乘客自行揾位入座。指定席可以說是商務客位，坐位較闊，但價錢較 貴。指定席要預先劃位，車票印明列車長度和所坐車卡及坐位號數，列車長度用卡數(日本文両)表示，坐車時月臺有指示某一長度列車的每一卡上車位置，早五分鐘到指定位置上車便可。用JR Pass可坐指定席，盡早劃位可保証不會到時無指定席要逼自由席。有些車並無自由席，如機場快車 Narita Express。
3. JR及地鐵站，有些站內有站，入完閘又要再入閘，出亦一樣，出閘口和入閘口表面一模一樣，小心入了閘後車未坐便又出了閘，車票報销。不過用JR Pass便無問題，出入幾多次都得。
4. 日本坐自動電梯，是靠左站，讓出右邊給趕緊時間的人用。這跟香港的靠右站剛好相反。
5. 東京的鐵路，分JR和地下鐵，JR Rail Pass不適用地下鐵，不過JR覆蓋範圍廣闊，幾乎那裡都去得到。
6. 日本人很友善，绝大多數都願意幫人，但佢地啲英文就聽死人。也有匆匆地答你兩句，便拎歪面，扮睇你唔到，不要誤會佢唔幫你，只是有心無力，又唔想認英文唔 得，自尊心作崇而已。講唔掂時，寫中文，中年以上的日本人大多會看，有時會好過同佢地講英文。