倫敦街市遊

逛倫敦，不一定要逛百貨公司。倫敦有很多大大小小的街市，賣的貨品，有的林林總總規模很廣，也有很專門、獨沽一兩種的。有空閒的話，到這些街市逛逛，睇人睇事，也可以是賞心樂事，致少不會像逛百貨公司一樣傷荷包。逛街市，要最好要有閒情逸緻，所以最好坐巴士去，比地鐵慢不了十分八分鐘，但可免除了那份影響心情的匆忙感。

細的街市，如 Islington 的 Chapel Market.  麻雀雖小，卻五臟俱全，基本上什麼都有，星期日還會在街尾加開多一個 farmers market.

 

到附近 Angel 地鐵站隔離的古董街逛逛，說不定可以找到件心頭好！

倫敦市中心的 Borough Market，規模大得很，主要是賣食物，乾濕貨都很齊全，豬、牛、羊、禽；海鮮，蔬菜、水果；芝士、奶類；餅食，林林總總什麼都有。這裡的價錢，一點也不便宜，但貨色可都是一流品質的。

正宗的英國  Pork Pie

                           美味的意大利麵包

即叫即炸的正宗英國 Fish and Chips 。 買來站在街角食，盛惠八鎊有找 - 5p！




Spitalfields Market 有點像古董雜架攤。

Columbia Road Market 專賣花草樹木。 平日與其他街道一般無異。

星期日清早，便變身成像香港的花墟一樣，各式各樣花草，令人目不暇給。

其他街市？慢慢去逛啦！睇吓人，睇吓嘢，唔買都過癮！

出名的重有 
-Covent Garden
-魚市場
-Portabello Market 等等

.
.
.
.

最低工資

最近最低工資引起社會辯論，我實在不明白為什麼要定最低工資，也不明白這同爭取人類的基本尊嚴有什麼關係，可能也不了明白人性為什麼會這樣。

人應該去找工作養自己，有本事、 能力自然會搵到好工，自己喜歡的工，當然運氣也有時有影響。

搵唔到工？人工低？應當是與自己的能力有關。搵唻唔夠駛，是不是自己的期望和慾望與生產力不相稱？這些是不是都應該自我檢討下呢？份工搵埋唔夠養家，點解關老闆事？點解你決定成家立室、生兒育女時，無諗過自己養唔養得起？人地請你，反而變咗無良顧主？佢地點樣剥削你？唔通老闆出得人工低，仲楂住枝鎗指住你，監你打佢工？你有本事，劈炮唔撈，邊個可以逼你剥削你？唔通你信香港無自由咩？唔通你信香港所有老闆夾埋壓價，或者又是「官商鈎結」？

對工作不滿意的，有什麼要好投訴？香港極之自由，不喜歡，嫌人工低，搵過份啦。搵極 都搵唔到？應該檢討自己係咪能力有問題，唔值自己嘅叫價，或是要求過高。係嘅話，就只有自我増值，或者接受現實，降低生活水平，睇餸食飯，仍然攪唔掂，去攞公援囉。現今社會對無能力、或唔想做野嘅人其實很好，實唔會餓死。當然，唔想辛苦又有與能力及入息不相稱的慾望，那只有求上帝或現今香港那班民主政棍了。

為何要立法訂立最低工資呢？恐怕只會苦了那些能力不高，但選擇自食其力，不去攞公援的人，到時，佢地連維持基本尊嚴嘅選擇都無埋，焗住去攞公援！

.
.

.